craziness

lately, madalas kaming gumawa ng mga kalokohan sa opisina. una, it involved these cute iPods that were making for the christmas party that we're organizing. eto ang nangyari.

dory and i were making prototypes of iPods na gagamitin para sa party. una naming nagawa, yung kulay fuschia. putik! ang ganda! syempre naaliw kami sa pinakita namin sa iba. "huwaw!", anila. sila man ay napalatak din sa ganda. mukhang totoo. animo'y isang malaking iPod video. at dun na nga nagsimula ang lahat.

dagliang kinuha ni henyo ang earphone ng kanyang totoong iPod video at isinuksok ang plug sa iPod styro. ang earpiece naman ay isinuksok sa kanyang tenga at umindak indak na animo ay may pinapakinggan. at doon umilaw ang bumbilya sa aming mga bumbunan. hmmm...magandang kuwento ito.

unang biktima. si aida. habang seryoso sya sa pagtatrabaho, sumilip kami ni dory sa kanyang cubicle at sinabing ipaparinig sa kanya ang gagamiting tugtog para sa aming sayaw sa party. inilipat ko sa kanya ang earphone habang ang iPod styro ay nakatago sa aking likod. wala syang marining aniya. sandali lang lakasan natin, sabi ko. at saka inilabas ang iPod styro sa pagkakatago. isang malakas na hagalpakan ang sumunod.

at madami pang sumunod na biktima pagkatapos ni aida. may mga nakikisakay at talaga namang dumadialogue ng "lakasan mo pa hindi ko marinig!" sabay indak. meron din namang, "P ka!" ang sagot sa amin. ngunit ang pinakamatinding sagot, "ano ba ito?" haha ako yata ang nagulat doon.

=====

at ngayong hapon lang, eto naman ang sumunod. ako ang unang biktima. inalok ako ng aking boss ng lechon. ngunit bakas sa kanyang mukha ang kakaibang ngiti kaya ako ay nagduda. at aha! tama nga ang aking pagdududa! may maitim silang binabalak sa akin.

syempre hindi ako papayag nang hindi ko naikakalat ang magandang balita. gusto nyo ng lechon? hmmm...sino kaya ang magandang biktima? si polar bear, si polar bear! sabi ng boss ko. tumpak! sabi ko.

kaya agad akong tumungo sa cubicle ni polar bear na kasalukuyang abala sa pagdodokumento ng kanyang mga, ahm, dokumento.

polar bear, polar bear! gusto mo ng lechon? sabay bukas sa takip na foil. huwaw! aniya. si dory naman, humahangos na nagsabing, "give me give me!" at paglapit nila, bwahaha lechon ha!

kayo, gusto nyo? iPod o lechon de leche? place your orders now!