minsan...

aalis na si blue. magreresign na din si green guru. si henyo gustong lumipat. si kulot naman, nasa puso talaga ang paglipad. si kanang-kamay, naiisip na din ang pag-alis. sa tingin ko, pati sina prinsesa at pintasera din. sabi ni dory, nalulungkot siya kasi paunti-unti nang lumiliit ang kulto. ako man nalulungkot.

naaalala ko ang mga panahng pinag-uusapan lang namin sa hapag-kainan ng j5 ang pag-alis. at bago pa man namin mamalayan,isa-isa na naming tinahak ang landas upang harapin ang mga panibagong hamon ng aming kanya-kanyang buhay.

sabi ko nga kay dory, ganoon siguro talaga paglipas ng panahon. hindi maiiwasan ang pagbabago na minsan ang kaakibat ay pagsasarili ng mga magkakaibigan.

kasabay ng paglawak ng ating mundo ang pagbuo ng mga bagong samahang magiging bagong kaagapay sa pagtahak sa buhay. at ang magiging batayan nga ng magandang samahan ay ang kakayahang mapanatili ang ugnayan. totoo nga, ang mahalaga ay hindi ang patutunguhan kundi ang mga karanasan at ang mga kaibigang nakasama sa paglalakbay.



ngunit ngayon, kay bilis maglaho ng kahapon
sanay's huwag kalimutan ang ating mga pinagsamahan
at kung sakaling gipitin ay laging iisipin
na minsan tayo ay naging
tunay na magkaibigan
---minsan, eraserheads