ang agosto...bow

1. isang taon mula ng ako'y matutong umawit...mali, mali. hanggang ngayon hindi pa rin ako marunong umawit. ulitin natin.

isang taon na pala mula nang ako'y magpaalam sa aking dating trabaho upang ipagpatuloy ang pag-aaral ko dito. limang taon din akong nanatili sa kanila (1 taon nito ay nakabakasyon bilang estudyante) at sa loob ng limang taong iyon, marami akong pinapagpapasalamat: kaibigan, kasanayan lalo na sa pakikitungo sa mga tao, at libreng biyahe.

ngayon 3 buwan na ako sa aking bagong trabaho at kasalukuyan ko pa ring sinasanay ang aking sarili sa bagong kapaligiran. may mangilan-ngilan na akong kabatian ngunit wala pa ring maituturing na malapit na kaibigan. hay nakakalungkot. kaya kailangang maging mas palakaibigan! kailangan kong matutunan ang kasanayang iyon!

2. 3 taon na mula ng pumanaw ang dating pangulong cory aquino. naalala ko, umuulan noon ngunit sumuong kami ng aking kaopisina upang makita ang kanyang labi. mahaba ang pila at medyo mataas ang baha ngunit tumuloy pa rin kami. isang pambihirang karanasan! (mababasa dito ang aking sulatin tungkol sa aming karanasan)

3. sumulat ako sa aking mga kaibigan gamit ang wikang filipino kanina at ito ang naging resulta, mga likas na makata :)

"Ngayon din pala ay ikatlong taon ng kamatayan ni Corazon Aquino. Taon na rin pala ang binilang noong sinuong natin ang Maynila masilayan lang ang kanyang labi "

"ako ay buhay pa naman dapatwat ang mga dpat gawin ay prang bagyo na di mapigilan bglang bumubuhos.. prang mga alon sa baybayin ng maynila na humahampas sa panirangtubig (breakwater)"

"Nakita ko nga ang iyong sinulat sa pader ng Facebook. Sana magtagumapy ka sa sa iyong mithiin na gamitin ang ating wika ng buong buwan. Nawa'y hindi magdugo ang iyong ilong. Binago ko nga pala ang nakasulat na paksa sa liham na ito upang maging akma sa ating pag-uusap."

"karumaldumal naman ang inyong naranasan na paglubog sa napakaruming tubig..na puno ng mga rumi ng daga, aso, pusa...buhangin..lupa..putik...at kung anu anu pa"

TWN (tumatawa ng malakas).